Easter Hmasaber

Chhiar a nuam reuh em a...💖

Easter Hmasaber 💫 kha mipui tam tak pungkhawmte inkhawmna, fakna leh chawimawina hmun a ni hauhlo. Chutih ahnekin Thawhlehna Ni hmasaberah khan zirtirte kha anmahni inah kharkhipin an awm zawk si a. An tan vahchhuah kha thil hlauhawm tak a ni. Hlauhna in an khat si a. Hmeichhiate'n 'Isua a tho leh ta!', tia an sawi kha awih an duh tak zet asin. Amaherawhchu, thudik ni tura an duh luatah awih harsa an ti letling a. Zirtirte'n rilru hnualna leh hlauhna namenlo nen hun an hmang mek. An IN an chhuahsan anih chuan, anmahni leh an hmangaihte nun an ti derthawng palh thei si a. Thilmak chu a thleng reng em le? Thawhlehna hmangin thihna chu hnehin a awm teh meuh em? Hetiang ang hun hlauh thawnawm leh tihbaiawm tak hi lak bo a ni thei meuh ang em le?

Ina an inkharkhip laiin beisei tur awmin an ring a, zan thim chu kiangin kawl a lo eng tan a, Pathian hmangaihna chuan engkim a hneh thei, a nih dan tak la tem chiahlo mahse. Tichuan, in an chhuahsan theih hun alo thleng ve ta a, hlauhna leh hlauhawmte a kian hnu chuan, lawm chungin hmun tinah Isua Thawhlehna chanchintha an pu darh a, khawvela thiltitheiber chu hmangaihna anihzia puanchhuah chu an chaw tui ber a ni ta.

Kumin hian Thawhlehna Ni hmasabera an awm dan kha kan tem ve mai thei asin, chhungkuaa inkharkhipin beiseina kawl eng mek ring ngamin. Tichuan, hunte lo herliam zelin, mitin tan ralmuan hun a lo herchhuak anga, duhthlanna duhawm ber lo ni a, kan bikna hmun atanga penchhuakin, kan intawkkhawm leh ang, fakna nen Isua thawhlehna chanchintha ring taka puangin, a tawpkhawk thlengin Hmangaihna hi a lo la ropui ber fo ang!

Tun tum hi Easter Hmasabera thil thlen dan kan tawnhriat ve theihna hun kan tawn hmasakber a ni mai thei asin.

(A ziaktu ka hrelo, a tha reuh em a Mizo tawngin ka han dah ve ta mai. Jean Ralte)