The President
Tachhip Sporting Club
Hei, in khawtlang hnenah ka thusawi duh chu ka han ziak a, a rem thei a nih chuan mipui hmaah min lo chhiarchhuah sak la ka lawm hle ang.
Vawin niah kan Trophy Kum 50-na (Golden Jubilee) a lo thleng ta a. Lawmawm ka tiin engemaw kawnga ka ngaihtuah phei chuan lungte pawh a leng hle mai; He trophy kan siam tirh kha kum 1953 thal lai kha a ni a, khatih hun lai khan tlangval/thalai ho te kha inkhel lam Hockey an tuipui hle mai a; Inchuh tur an mamawh avangin, kei Calcutta ka kal khan, no ka rawn hawn kha inchuh atan min dil a, kei pawhin khatianga infiamna thianghlim kha lo hlutpui ve in phal takin ka lo pe a.
Tunlai hunah chuan thil hlu tak pawh a ni lova, a hunlai kha chuan a hlu ve hle a ni. Tichuan hun a lo kal zel a, Sheild-in kan han thlak ve leh thei a, nangni lam pawhin remhre takin hun inher danglam ang zelin Hockey atangin football-ah chuta tangin hei volley ball-ah in lo ti leh ta a, hetianga hun inher danglam azira inleh in thiam ziate hian in remhriatna leh in hlutpui zia a ti lang a, lawmawm ka ti takzet a ni. Kan thiltih beitham te min lo ngaihhlutsak hi a ropui ka ti a, Games and Sport hruaitute leh khawtlang hruaitute chungah lawmthu ka sawi a ni.
Tin, Tachhip khua hi chhuahsan tawh mah ila, ka awm chhung kum riat(8) khan ka lo in ti neitu in ka lo in ti khua leh tui ve hle a, ka fate pasarih(7) zing a pali(4) phei hi chu Tachhip ah hian an piang nghe nghe a ni. Tin, nangni pawhin he trophy in chhuah apiang a, mi in han hriattir ve te hian kan inlaichina min siam ngheh sakin ka hria a, ka lawm hle a ni. Hetiang anih avang hian Tachhip khua hi lo chuahsan tawh mah ila ka fate leh ka thlahte chuan Tachhip khua hi kan khua leh tui takah kan ngai lo thei lo a ni.
Tluang taka Tachhip Sporting club kalzel tur leh hmasawn zel turin ka duhsakna sangber ka hlan a che u.
Ka lawm e.
Maj. Saibuanga
16.05.2003
No comments:
Post a Comment