Nghilhlohna Par - Ventea pualin

Engtiklai atang khan nge kan lo inkawmngeih em em a, nu hmunlo – pa hrangte kha phuarkhawma kan lo awm le? Pan lai, khawvel lungkhamna pawlh buai hma a ni ngei ang le. Kumkhat chhuak threthraw ang maia thukhat vua khan kan leng za thin. Khiangawilovin tar thlenga, tar chawmna in mawi ho turte khan thu kan thlung tak asin!

Tuan tul vangin tuanna tlang a lo dang a, thenna ram khawvelah kan inthen leh thin. Thansan ngai tam tak vui liamin, a then khiang awia chhungkua dinin kan hmanhlel a, nunhluite khan kir zai reng an rel silo.

Khuahmunloah awm thin mah ila khawvela kan cham chhung chuan intawnni a herchhuak leh ang tiin kan inhnem thin kha ania. Mahse...tunah chuan inhnemna tur a awm ta si lo. Vawikhat chauh tal chaw eiho tura ruahmanna kan siamte kha a thamral ta. Vente... i hmunruak hi tunge luah ta ang le?

Nula leh tlangval ang pawha in enlo, a thlum a al eiza, Bete-i te chhuatlai mawia kan riah tlar dul hunlaite kha mitthlain a chhuikir a - Baby Love, Dance Dance, Grease 1 leh 2, Vai Tarzan...video cassette kan neih kha chuan tlaivar kan huam mai thin anih kha le. Mart-i chow-artui-tomato kan pawlh nena chawhpawlh ngei khan kan hrawk a fahin kan tlai tlang thin asin! Sehhmeh dang reng kan ngailo, nihawichi chipin kan tlingtla mai thin. Midangte pawh khan telve an chak nain min chimloh khan kan hlim viau zel ani.

Ka awmbo chhunga Ventea te inbul hmawng hnuaia ziah thaikawibawm lo thlengte kha ka hrereng mai... Thian hmangaihna chelh dingtu a ni si a. Inkhelh thiam avanga eizawnna thar Vente-a’n a hmuh tuma, a training-na thuam kan sam zante kha o. Fiamthu nen kan hlim tlang teh e. Kan sirah ketlite-a thingpui thlit tur a phanloh chhung chu kan nui za thin.

Kohhran lamah lah a-lai-lum luahtu ang hrimin kan awmkhawmna tawh phawt chu a hulumlai ber a ni zel a, kan vela mite pawh kha an hlim ve phah viau turah kan ngai thin anih kha. Engkim mai phur takin kan hma-ho a, lungrualna nen kan tlingtla thin asin. Awmho kha kan khamlo thin teh e o… chhungte’n ‘kasam paida’ min lo play khum hlau chung chung khan zanrei kan thleng leh nge nge thin.

Mihring hneh rualloh tibuaitu che khan I lei taksa tawihral tir hial mahsela, chatuan daih I thlarau humhim saktu hnena tlu luta, khamlo tak leh theilo chung pawha, A rawng I bawlsaka chuan hlim taka kuangkuahin, A ramah a lo lawmlut ngei ang che tih hriatna hian, I kalsan tak I thiante hi min hnem tak zet a ni.

I ruang thlahnaa I hraichawiin I chungchang thu a sawite khan min tilawm takzet a, Siamtu duh ang ngeia thlah tha tak hnutchhiah theia malsawmna changtu ini hi kan lawmpui takzet che a ni. Van ropuina tem hmasa turin min liamsan ta a, minlo hmuak ngei ang lallukhum mawi sinin…kan lo thlen kim hunah chuan pan lai duhthusam aia tha changho in – tar lovin kan la cheng za ngei ang le…mangtha…

Jean Ralte

The Piano Accordion

As I rummaged through old photographs in search of evidence to write my Corps History, I came across this old photograph which I later learned from others the identity of our pioneer officers. After flipping through few books of history (which I hate as a young student) and having a conversation with few people I began to form the puzzle of this photograph which happens to tell me a wider story than I could ever imagined.

One important person in this photograph is Colonel Joseph Dahya who was also present in the group photos of Commissioners & Territorial Commander/ Regional Commander with The General and Chief of the Staff during the Centenary Celebrations of the Salvation Army in 1965 at London. He came to Lushai Hills Division in 1958, he was appointed as the Territorial Commander of Eastern Territory in July 1956 with headquarters at Kolkotta. Colonel Joseph Dahya has brought greetings from Mr. Robert Pierce, Founder of World Vision International in the form of a Piano-Accordion for the Lushai Hills Division. Bob Pierce's World Vision had together with the Salvation Army a leading role in the development of the evangelical social action movie. 

The piano as seen in the photo was handled and played by Captain Chianghnuna who was the Divisional Youth Officer at that time. Captain Chianghnuna was the first Mizo Officer to attain the rank of Commissioner. He was also the official translator during the World Vision organized Pastor’s Conference at Guwahati in 1963 where Mr. Robert Pierce was the speaker. Translator of different language used to stand in a line and translate the speaker’s message to their mother tongue without a microphone. The Mizos got the clearest message due to the clear and loud voice of Captain Chianghnuna. This Piano Accordion was later in the custody of the soldiers of Central Corps, which was the first Corps in Aizawl.

Senior Captain & Mrs. James Kennedy accompanied the Territorial Commander. They are also newly appointed as the Divisional Officer of Lushai Hills Division, taking up their appointment in November 1957. Major Kennedy was a good musician and had a Concertina which he used to play during meetings and carols. He also introduced staff notation to the young people of Baktawng Corps and they are the first Band to play in Staff Notation. Major used to teach the Assam Rifles Baaja as well during his service in Mizoram. The couples are seen in this photo witnessing the proud moment of Chaltlang Salvationists.

Of course, our mighty pioneer officer, Lieut-Colonel Kawlkhuma OF is seen in the photo with his wife Lieut.Colonel Khuangi. He seems to have a deep connection with the Salvationists of Chaltlang. He has retired from active service but even attended their celebrations on 31^st March 1968 on attaining a Corps position. Chaltlang is the place where Mr.Chiangdailova – earliest member of ‘True Believers’ have resided since 1923 and completed his wandering years from Venghnuai to Sawleng, and was Promoted to Glory on April 15, 1930 at Chaltlang. Mrs.Ngochhuni w/o Chiangdailova was also Promoted to Glory on September 5, 1955 and both have rested their earthly bodies at Chaltlang. Maybe, these instances have instilled and pull him closer keeping in mind the earlier ties he has with the family of Mr.Chiangdailova. 

Captain Thansiama, the then, Commanding Officer of Bazar Corps is also present, as he happen to take charge of Chaltlang Society which comes under his command area during those days. It must have been a proud moment for him too, to have a new hall ready to be opened on 15 June 1958 coinciding with the visit of the Territorial Commander. He has marked this day in his bio-data for "Warriors for Christ".

Many faithful early Officers, Local Officers and Salvationists are present and to name a few – Major Saidawla, Major Thansanga, Major Lalthansanga, Brigadier Sapliana, Brigadier Vaikhuma, Major Khumtea, Lt.Colonel K.Khara, Major Lalchhawna, Mr.C.Thangkima CSM OF, Mr. H.T.Muankima CSM, Mr.Hmangaiha CSM and the list could go on. The earliest commissioned Local Officers of Chaltlang Society – Sergeant Major- Mr.Ngursailova, Recruiting Sergeant- Mr. Pema, Treasurer- Mr.Saia, Y.P.Sergeant- Mr.Vula, Home League Treasurer- Mrs.Selzingi and Home League Sergeant- Mrs.Rohnuni definitely make a presence on this auspicious occasion. They were commissioned on November 16, 1958.

Mr.Singula, one of the prestigious early businessmen of Chaltlang has purchased the hall site for Salvationists of Chaltlang from Mr.Papuia. Immediately they built a hall and get it ready in time for the Territorial Commander to open it during his visits to Aizawl. Colonel Joseph Dahya, thus, opened the new prayer hall on 15 June 1958 and gave them a Society status. The Territorial Commander presented them a Lock & Key for their new hall.

This Prayer Hall was used by the Salvationists of Chaltlang to conduct meetings and other services till 1973 when they built an Assam type Hall with additional land purchased from the Soldiers contributions, and used the old hall as Young People Corps Hall.

Jean Ralte

SAY Sunday 25 June, 2017

Rinloh takin kan Corps Salvation Army Youth te'n, SAY Sunday hunbikah SAY member nih hlawkpuina sawi turin min sawm ve teh mial a, ka hriselna lamah ka induhtawkloh lai taka a ni nachungin tihhlawhtlin ngei ka duh si a, ka han sawi ve ta a. Thinlai muhnu tam tak kaihharha a awm takah chuan, ka thinlung pheka han nemkai leh thain ka hre ta a ni.

SAY member nih ka hlawkpuina hmasaber chu suahdur leh bawngthuthlawh ka hmang thiam. Thalai ka tel tirh hian Brick thiarin kan inhlawh a, kan in intlar put a, kan inhlan chhawng zel a, building saklaia thawk kan ni a, step-ah kan awm a, vanduaithlak takin chunglam atanga Brick bung lo tla chuan ka kutzungpui a rawn tlak a. Exam tura ka inbuatsaihlai a ni a, ka exam-naah chuan pen ka hum tang tang thei. Balu leh Rawra thiar tur kan hmuh kha chuan kan lawm thei hle, mipate kha a pu hnem thei zawk annih avangin, hmeichhiate'n kan lo rut mai thin a, Suahdur leh Bawngtuthlawh kan hmang thiam ta em em a ni. Bankhur laih leh tuizem laih, lei paih tihvel atangte khan Suahdur leh Bawngtuthlawh hmanthiamna skill a in develop tha lehzual khawp mai. Boulder leh Cubit lung engemawzat kan thiar a, vengchhunga insate kha chuan min duhsak thei hle.

Ka zaithiam ve ta. Tunhmaa kan thalaite khan zaithiamloh lamah hming an lo chher tlat mai a, keini generation khan Chaltlang Corps mite'n min hriatna chu her danglamin Songster zaithiam tia lar hat khawpin kan thlak ta! Kan zir nasa em alawm le, a sak lah kan sa hnem. Chutachin chu mite hian Chaltlang Corps thalaite chu zaithiam turah an ngai vek tawh a, kei ngei pawh zaithiam ka lo ni ve ta!

Staff Notation enin Tawtawrawt ka ham thiam. Corps dangte'n hneh taka Band rawngbawlna an kalpui laiin kan hnufum tlat mai. 70's leh 80's chhoa kan rual ute chuan Tonic Solfa hmangin instrument beitham tak nen Easter Sunday tifamkimtu atan 'A tho ta!' anlo ti ve thin a. Amaherawhchu kum engemawzat Corps dangte'n min hmui azarah Easter thawm vengchhungah a awm hram hram. 90's uaithla lamah Salvation Army Youth tumruhnain kan tlailam umpawng par ta a le. Australia atang ngatin Lukhum Var nalh tak kan dawng a, hmeichhiate phei chu nalh tak kan ni, kan rimawi ham ai mahin kan inthuamna hmang khan mi kan hip zawk ta hial ang a? Band-a hmeichhia an tamna ber Corps kan ni hial maithei. Territorial Staff Band-ah pawh hmeichhia Pali lai kan tel tawh a ni.

Ziakmi ka lo ni ta. Salvation Army Youth Chaltlang Corps te hian 1992 atang khan ZOAR chanchinbu kan nei a, mithahnemngaite zarah mei mit lova kalpui a ni. Active vet vet taka kum 17 chhung thalaia inhman a, chumi kum 10 chhung Office Bearer ni a, Section Incharge kum 4 lo nih ve takah chuan lohtheihloha chanchinbu lama hmalak ngaih chang a lo awm. Editorial te ka han ziak ve chawm mai a, article leh lead item tur han puah te a ngai ve ta. Ngaihtuahnain a daihloh changin lehlin hmangte'n ziak lama rawngbawlna awihnun a lo ngai a, ka hriatloh hlanin ka lo ziak ve ta phoh phoh mai. Thiam inti lem lovin ziak lama rawngbawlna chu keimahah chawinunin a lo awm reng mai.

Lammi pawh ka lo ni reng. Thlalak hlui ka enletna atanga ka hmuhchhuah chu...Worship Dance-ah pawh ka lo tel ve reng ni-in! Kan choreographer #HmaaRenthlei a zeiin, mi kaihhruai a thiam bawk a, Brigade night velah chuan member induhthawh nen, ka lo lam ve zek zek a lo nih hi...

Kan theihnate a tlem a, tihsual hlau leh mi nuihzat chauh nih mai hlauh avanga kan up bo mai chuan, rinna leh beiseina bovin kan hun a liam ang. Che fuh theilo tak kan nih phei chuan, kimki in kan nun kan hmang reng mai dawn a ni. Amaherawhchu Pathian a rinna kan nghah erawh chuan, hnawl emaw tihnat emaw venthawn tur reng a awmlo. Pathian chuan englai pawha hmangaih leh ngaidam turin min tiam tlat asin. Kan theihnate haichhuakin, kan theihna leh thiamnate kan sawhngheh a pawimawh tak meuh meuh a ni. Sam ziaktu chuan, 'Aw Lalpa, Sipaihote Pathian, Aw JAA, nang anga mi chak tu nge awm? I rinawmna chu i velah a awm si a' (Sam 89:8) tiin a ziak.

Pathian a rinna kan nghah chuan hmalam hun atan lungkham tur a awmlo, hlim ni leh ngui ni kan tawng ngei ang. Amaherawhchu, kan Pathian hi thafamkim, a rinawmna tawp ve ngailo anih avangin, kan nun him takin a kutah a awm tih hriain, keimahni inrintawkna piaha Amaha-inrintawkna nen engpawh kan hmachhawn thei a lo ni.

Pate Ni

Mipate hi chi thlah tura khuanu duan anni ngei ang, amaherawhchu chhungkaw puipa ni tur chuan mi bik nih a ngai thung.

Naupangte’n PA an chawimawina NI bik hmang tura ruahmanna hi Spokane, Washington-ah a intan a. Kum 1909-a NUTE NI thuchah Sonora Smart Dodd-i’n a ngaihthlak atanga rawn inmun a ni. Sonora-i hi a nu in a thihsan hma avangin a pa William Jackson Smart-a’n a enkawl seilian a, atana a hlutzia hi a PA hriattir ngei a duh. Nu leh Pa nih fawmin huaisen leh inpumpek, hmangaih taka enkawlin a pa hian an unauza a chawilian a. A pa pian thla June chawiin PATE NI hmasaber hmanna atan June ni 19, 1910 chu a thlang ta a ni.

 

Kum 1935 khan PATE NI Silver Jubilee pualin lehkhabu buatsaih a ni. Chu lehkhabu te-takte ah chuan tihian a inziak, ‘He NI lo chhuahna hi kum 37 liamta a Washington tlang pakhat Big Bend an tih, huan pilril taka awmah khan a ni. March thla thli na tak thawt vuk vuk na kara lungngaihna namenlo lo thlengah chuan a ni.

Khawhar takin pa pakhat hi a indawm kun a, a velah chuan a fate’n tap chungin an bawr laih bawk a. Vur thli lo tlehin an tukverhte a khuh luk a, thlipui a inmun mek lai chuan, a fa tlum ber chu thawklehkhatah pawn lam panin a NU au chungin a tlanchhuak ta vut mai. Chu hraichawi awrawl chuan a chunnu, thihna kutin a chelh tawh chu a au ei(h) zo si lo!

Hmanhmawh takin a pa chuan naupang chu a thlazar hnuaia awm turin a umzui vat a, tichuan thanghnih lian zet chu William Jackson Smart-a chuan chun lovin, nu leh pa dinhmun chelhin a fate a lo awpkhawm ta a ni.

Senora Louise Smart-i, Mrs.John Bruce Dodd lo nita tan he thil thleng hi, PATE tana Ni bik siam tura a ngaihtuahna khalhtu pawimawh tak a ni. A pa hmangaihna leh inpekna te, a pasalin a fapa a hmangaihna a hmuh leh hriatte atang chuan PATE NI serh chu tihpuitlin ngei tumin a bei a, ram pum huapin hman a lo ni ta.’

Kum 1926 khan New York khawpuiah National Father’s Day Committee din a ni a, kum 1956-ah America rama Congress Joint Resolution in a pawm. Tichuan, kum 1972 khan US President Richard Nixon-a chuan June thlaa Chawlhni vawi thumna chu America ram pumah PATE NI bika serh turin a lo nemnghet a ni. Salvation Army te pawhin kan ni bikah dahin khel lovin kan lo hmang ve ta.

Pa neite tana pa an hlu tluk zetin pa neilote tan pawh pa an hlu. Zua tello-a chawilen ka ni a, Pa neilo chu ka ni hauhlo. Pa uapna tawnhriat ka nei tlem hle a, ka tawnchhun erawh ka thlamuanpui thung. Chuvangin ka tan PA a hlu bik riau in ka hre thin. Nu tana nu leh pa kawp chu thil namai a ni hauhlo ang. Ngai teh u, Pain min hmangaihna chu a va nasa em! ‘Pathian faahte’ min vuah tak hi; chutiang chu kan ni reng e. [I Johana 3:1] He thu hi a va hlu em!

Vawin Pate Ni ah hian Pathian lehkhabu Rom 8:12-17 thu hi lo thangmawi lehzual se a va tha em! “Abba! (Ka pa!)” tiin khawi hmunah pawh, enghunah pawh kan au thei a, kan thatna tura min thawhsak tur hian ‘super power’ ni mai lovin ‘Supreme Power’ neitu a la ni zui. Khawvel leh a chhunga awm zawng zawngte hi a kutphah chhungah kan awm asin!

Pa?

v ‘PA in a fate tana a tih theih hlu ber chu - a fate NU a hmangaih hi a ni”

v ‘Nu te ang bawkin PA tur renga piang an awmlo a, mipa te hi PA ah an lo thanglian zawk thin a, PA nih hi an thanlennaa hun pawimawh tak a ni’ - David M. Gottesman

v ‘A fa hrechiangtu chu PA fing a ni” – William Shakespeare

v ‘Ka pa kha engang mi nge a nih a pawimawh ber lo, a pawimawh zawk erawhchu engang mi niin nge ka hriatreng’ – Anne Sexton

v ‘Naupangte nunah PA uapna aia thlamuanpuiawm zawk awm theiin ka hrelo’ – Sigmund Freud

v ‘Thilpek hlu ber chu Pathian hnen atanga ka dawn a ni a, chu mi chu ka PA tiin ka ko thin’

Jean Ralte

 

2017 Pate Ni puala ka pa hova kan thlalak hi kan tarlang ve ange:

𝗧𝗵𝗲 𝗞𝗶𝗻𝗴'𝘀 𝗖𝗼𝘂𝗿𝘁 - 𝗨𝗶𝗿𝗲-𝗮 𝗶𝗻𝗽𝘂𝗵

Blog ka siam ve atang khan kum riatna a lo ni ta der mai. Chul erawh ka chul hnum thalo hle a, pun pawh a har reng a ni. Blog ka siam tirh khan ka pu Major Saibuanga thu leh hla chhawpchhuahna atana ka riruat a ni a. Chumi tur erawh chuan tun thleng mai hian a robawm hai-letna hun reng ka la nei thei tlat lo.

Thil hi finfiah zel a tul chang a awm thin a, ngaihruatnaa innghah ngawt hi chuan lungawina kim min pe thin lo. Ka rin dan a dik nge diklo chian ngei hi ka duhdan a ni a, ka dikloh pawhin a nihna tak pawm thiam zel hi thil tha tak niin ka hria.

Vawin chu engmaw tal han thailan tha in ka hria a, ka thinlung phek atangin ka han hawlchhuak ve zok ange...

Ka pu kha Thiltlang lal fapa a ni a, fapa hlir 5 zinga an mi lai a ni. Thiltlang an kai hma hian Lungrangah kum 7 zet an awm hmasa. A naupan laia a tawnhriat a ziahah thilmak dangdai tak a tarlan chu - Pa pakhat hian a nupui uireah a puh tlat mai a, a nupui lah chu a tang kawh nasa mai si. An chungchang thu chu rel a lo ngai ta a. Khua leh tui an lo pungkhawm a, lal rorelna ngaichangin an hual tuau mai a. 

 

An inpuhna leh thiamthu an sawite a ngaihthlak zawh hnu chuan, Lungrang Lal Thanzama ( ka pu pa) chuan thirdeng a ko a, Pum (thirchherna) tui la turin a ti a. Thirdengpa in a rawn lak hnu chuan, no pahnihah a thal a, Sakei ngho meh nawi an phul a. 

 

Mipa hnenah chuan no pakhat chu a pe a, a sazu-hmul dah turin a ti a, hmeichhia hnenah pawh chutianga ti tur chuan no dang chu a pe a. 'Khaile, in no ken kha in thleng ula, han dawt teh u'. "Ka uire anih chuan ka chungah chhiatna thleng sela, ka thu hi a dik a nih chuan, he chhiatna hi i chungah thleng zawk rawh se" - an tihna a ni. Nakinah chuan an pa zawk chu a na â a, a â nasa ta deuh deuh a, kawl an bun tir ta a ni awm e.

He thlalak hi Thanzama Lal leh a nupui fanaute an ni:

Uire-a inpuh chungchang hi Bible-ah hian Numbers 5: 11- 31 ah a hnuaia mi ang hian kan hmu :

Tin, LALPAN Mosia a bia a,Israela thlahte hnenah sawi la, an hnenah ‘tu nupui pawh uirein miin mutpui sela, a pasal chuan a hre lo va, chesual ngei si puang bawk si lo, kut man ni bawk si lo chu a pasal chuan thikthu avangin ringhlel tlat sela emaw nupui chesual lo pawh a rinhlelh tlat si chuan chutiang thuah chuan chu mi chuan a tana thilhlan barli chhangphut epha hmun sawma thena hmun khat kengin a nupui chu puithiam hnena a hruai tur ani; hriak a leih tur ani lova, thil rimtui a telh tur ani hek lo; thik thawina chhang phut thilhlan, hriat rengna thilhlan khawlohna hriat chhuahna a ni si a.

 

Tin, puithiam chuan a rawn hruai ang a, LALPA hmaa a dintir ang a; tin, puithiam chuan hlumbelin tui thianghlim a la ang a, biak bûk chhuata vaivut a la ang a, tuiah chuan a phul ang a: tin, puithiam chuan hmeichhia chu LALPA hmaah a dintir ang a, a sam a thlahtir ang a, hriat rengna chhangphut thilhlan, thik thawina thilhlan chu a kentir ang a; puithiam chuan anchhe thlentirtu tui kha chu a keng ang a; tin, puithiam chuan hmeichhia chu chhia a chhamtir ang a, hmeichhe hnenah chuan, i pasal ni lo midang tumahin an mutpui loh chia, bawlhhlawhna lama i kal pen loh chuan anchhe thlentirtu he tui kha ata hi i lo fihlim ang a; amaherawhchu khaw dang hawia i bawlhhlawh a, i pasal lo mi tuin ema a mutpui che chuan i fihlim lovang, a ti tur a ni.

 

Tin, puithiam chuan hmeichhia chu a vau vang a, chhia a chhamtir ang a, hmeiche hnenah puithiam chuan, LALPAN i malpui a tihbal a, i pum a tihvun chuan, LALPAN i chipuite anchhe dawntirtuah siam che rawh se; tin, anchhe thlentirtu he tui hi i rilah a lut ang a, i puma tivung ang a, i malpui a tirawp ang a, a ti ang a: tin, hmeichhia chuan, Amen, Amen, a ti ang a.

 

Tin, puithiam chuan chung anchhe thute chu lehkhabuah a ziak ang a, tuikhaah chuan a chiah tur ani; tin, hmeichhia chu anchhe thlentirtu tui kha chu aintir tur ani: tichuananchhe thlentirtu tui chu a kawchhûnga a lut ang a, a lo kha ang.Tin, puithiam chuan thik thilhlan chhangphut hmeichhe kut ata chu a la ang a; LALPA hmaah chhangphut thilhlan chu a then ang a, maichamah a kalpui ang a: puithiam chuan chhangphut thilhlan hriat chhuahtirtu chu vei khatin a la ang a, maichamah chuan ahal ang a. chu mi zawhah chuan tui chu hmeichhia a intir tur a ni.

 

Tin, tui a han intir chuan heti hi a ni ang a; a lo bawlhhlawh a, a pasal chunga thil a tisual a lo nih chuananche tlantirtu tui chu a kawchungah alut ang a, alo kha ang a, a pum a lo vung ang a, a malpui a lo rawp ang a; tichuan hmeichhia chu achipuite anchhe dawntirtu a lo ni ang.

 

Amaherawhchu hmeichhia chu a bawlhhlawh loh va, a thianghlim chuan a fihlim ang a, nau pai thei zel a ni ang. Hei hi, nupui,khaw dang hawia a pasal ni lo midang nena intibawlhlawh emaw, mipain thikna rilru a lo put a, a nupui a thik emawa rel dan chu a ni a: tichuan LALPA hmaah a hruai ang a, tin puithiam chuan heng dan zawng zawng ang hian a chunga a ti tur a ni. Chutichuan mipa chu khawlohnaa chuan a fihlim ang a, hmeichhia chuan a sualna mawh a phur ang,’ ti rawh,” tiin.

A week to remember

This week is definitely a week to remember as a parent, now on our seventh year of raising two wonderful children. We know very well the long mile ahead of us. It does hit me the day Matric result was declared this year, as I need all my fingers to count the number of years, for them to reach that far. It's a blunt truth that while my peer group sent their children off to college, I need to check whether their 'A' is straight and pointed. Sit with them while they draw with their imaginations, tell them bedtime stories and settle their arguments.

I am just a little bit behind experiencing the joy of parenting!

So, I was elated when my son came home with the award 'Super English speaker of the Day' on Wednesday. And my joy knew no bounds when my daughter was awarded 'Best Student of the Week' and came home with a badge on Friday. It was fun showing to family and friends. Thus, it is hard to let it pass and not scribbling about it in the Tablet of my heart.

This week is special for my son and daughter as they experienced a memorable moments in their lives. As parents, they have made us proud with their achievements and it will remain a Week to Remember in our lingering memories.

A song sung at the time of their dedication came to my mind, a song penned down by a great songwriter Laithangpuia -

En chim loh parmawi tur mi a lo piang,
Pawm nin theih loh, lawm leh tul thin;
Chawi lai nau lawmawm hi.
      Dam reng rawh se, Lal Isua rawngbawlah,
      Thangin lo lian thuai sela aw;
      Lal sipai sual do tur,
      Zion ralthuam hmangin Lalpa,
      Mal rawn sawm la!